اقلطي يا بنت وافتحـي بـاب الزجـاج
وادخلي يا شروق الشمـس مـن بيبانهـا
وامرحي في هجوسي واتركي سوق الحراج
واقدعي من حروفـي واشربـي فنجانهـا
واسكني فوق رمش العين من تحت الحجاج
واستبيـدي طعونـي واكسـري عيدانهـا
لا يجيـك التذمـر دام فيدينـك ســراج
الغيوم انجلـت وارضـك نبـت ريحانهـا
الهـواء بالتسـاوي بينـنـا فالانـدمـاج
والبكـارى تسابقـنـا عـلـى قطفانـهـا
والخُطى بالخُطى يابنـت مافيهـا انعـواج
والقوافـي نرتبـهـا حـسـب قيفانـهـا
ان توصلت للمعنـى كسرنـا كـل عـاج
وان تنحيـت فاهدافـك خمـد بُركانـهـا
اشربـي مـاء زلالٍ لا تروحـي للهمـاج
واقطفـي وردة البستـان مـن حيضانهـا
واستبيحي دمي ما دام مـا حولـه سيـاج
واسبحي في عروقي واسكنـي ريضانهـا
الخواطـر كتبناهـا بلحظـات ابتـهـاج
والقصايـد نشيدهـا حـسـب بنيانـهـا
والمشاعـر نوصفهـا لكـم دون انزعـاج
من قلـوب حـوى ورد الغـلاء شريانهـا
والمطالـب نحققهـا لكـم دون احتجـاج
دام نفسي صفـت بالحـب مـن وجدانهـا
آمري يا عيونـي دام لـك راق المـزاج
لا تهليـن عبـراتـك عـلـى خدانـهـا
يا حياتي ترى بعدك يسبب لـي ارتجـاج
كن لروحـي قريبًـا وارتمـه باحضانهـا
لا تضايق ما دام الضيق معـه الانفـراج
كلنـا فـي كبـد والنـاس هـذا شانـهـا
الأحد مارس 16, 2008 7:03 am