ضاق صدري مدري اللي ضاق بالي
الوكاد الهم قلبي مستحله
والخطايا مالها اول وتالي
من خليل <ن> مايخلي عناد خله
ان سالته ما يجاوبني سوالي
وان سالني جيت كلي فدوتله
مرخص <ن> لرموش عينه كل غالي
كل شي فيه نفسه حاصل <ن> له
واعذابي كل ما زوله طرالي
كن قلبي من معاليقه يتله
ياوجودي وش غدا ولا بقالي
من محبة من بحبه خاضع <ن> له
غير جرح الحب وجروح الليالي
وش بقالك يالعيون المستهله
وانت يالي بالمحبه راس مالي
ماتتوب من العناد ولا تمله
كن عين تقوللي مالك ومالي
وكن عين تقول رحبه وهله
مرحبا واهلين ياسيد الجمالي
يامخليني بلا مذهب ومله
مد يدك ودوك يدي للوصالي
ودوك قلبي الا دوك العمر كله
لا تردد وانت تدري وش جراللي
من غيابك فالقلوب المستعله
ولا تمادى بالغلا لو كنت غالي
لجل ماتخسر غــلآآي العمر كله
الأحد مارس 16, 2008 4:47 pm
